ඈත ගව් ගණන් දුරින්
ලෝකයේ නොයෙක් රටින්
පාවෙවී ආ වලාසිතා
දෙව් ලියන් මැවූ විලාසිතා
ආරිච්චි බෝරිච්චි කම්බි කූරු බොල මාල //
ඒ අතට මේ අතට අඟර දඟර සරුංගෝල
ආරිච්චි බෝරිච්චි කම්බි කූරු බොල මාල
සරසවාලා හැඩ දමාලා පාට කරලා මේ බලන්න
ආරිච්චි බෝරිච්චි කම්බි කූරු බෝල මාල
සරසවාලා හැඩ දමාලා පාට කරලා මේ බලන්න
ඒ අතට මේ අතට අඟර දඟර සරුංගෝල
ආරිච්චි බෝරිච්චි කම්බි කූරු බොල මාල
පුංචි ලංකා දීපයේ පැංචියන් ලවා අපේ //
පාවෙවී ආ වලාසිතා
දෙව් ලියන් මැවූ විලාසිතා
පත්තරෙන් ඇවිත් මෙහේ ඇත්ද යම් කෙනෙක් //
ගන්න ගන්න මාගෙ රූපෙ මං ෆොටෝජිනික්
නම ද ගම ද වයස එක්ක පින්තූරෙ විස්තරේ //
පත්තරේට වැටෙනකල් අනේ
රෑට නින්ද යන්නෙ නෑ අනේ
ආරිච්චි බෝරිච්චි කම්බි කූරු බොල මාල //
ඒ අතට මේ අතට අඟර දඟර සරුංගෝල
ආරිච්චි බෝරිච්චි කම්බි කූරු බොල මාල ///
ගායනය - නාරද දිසාසේකර සහ පිරිස
පද - මහගම සේකර
තනු - පණ්ඩිත් ඩබ්.ඩී. අමරදේව
ගැටවරයෝ චිත්‍රපටියෙන්
1964 අවුරුද්දේ තිරගත වුණ ගැටවරයෝ චිත්‍රපටය මයික් විල්සන් සහ තිස්ස ලියනසූරිය යන අයගේ අධ්‍යක්ෂණයක්. ගාමිණී ෆොන්සේකා, ජෝ අබේවික්‍රම සහ සෝබනී අමරසිංහ වගේ විශිෂ්ට රංගධරයන් එකතු වුණ නිර්මාණයකට සේකරගේ පද මාලාවකින් යුත් ගීතයක් අමරදේවයන්ගේ සංගීතයෙන් එකතු වුණ එක අහම්බයක් නෙවෙයි. අදට අවුරුදු 50කටත් වඩා කලින් සමාජගත වුණ ගීයක් වුණත් අදටත් මේ ගීතය අමතක කරන්න අමාරුයි. සේකරගේ වචනවලට ඔහු බලාපොරොත්තු වුණ හඬ සැපයුවේ නාරද දිසාසේකර සහ පිරිස.
බෝට්ටු නිෂ්පාදනාගාරයක සුළු සේවක පිරිසක මුවින් ගැයෙන ගීයකි. “ඈත ගව් ගණන් දුරින්” යනුවෙන් ඇරැඹෙන “හාරිච්චි බෝරිච්චි කම්බි කූරු බෝල මාල - පත්තරෙන් ඇවිත්, මෙහේ නැද්ද යම් කෙනෙක් - ගන්න ගන්න මාගෙ රූපෙ මං පොටෝ ජෙනික්” නූගත් සේවකයන්ගේ රැඟුමට - ඔවුන්ගේ දැන උගත්කමට සරිලන පරිදිය, සේකර ඒ ගීය ලියන්නේ, බස හසුරුවන්නේ.
(උපුටා ගැනීමකි)
