Thursday, December 3, 2020

පාරු පාලමෙන් ...

පාරු පාලමෙන් කොළඹට ගැල් පේලිය සැපත් වුණා

ගෑස් පහට ලං වෙනකොට අපි හොඳටම හවස් වුණා

සෙක්කු වීදියේ කම්බා දැක උඹ මට මතක් වුණා

කයිමන් දොරකඩ ඉඳපන් මං එනතුරු සෙලෙස්තිනා


කොළඹ රටේ ඉපදුනාට මටම ඔබින සෙලෙස්තිනා

බේරෙ වැවට හඳ පෑව්ව වාගෙයි මට උඹේ සිනා

කබා කුරුත්තාව ඇඳන් මුතු දෙපොටක් ගෙලේ දමා

සාන්ත බස්තියන් ඇලේ පාරු පදිමු සෙලෙස්තිනා


මහ මංකඩ කවි මඬුවක් හෙට හවසට පැවැත්වෙනා

නම් දරාපු කවි කාරයො එහි එන වග කතා වුණා

ට්‍රෑම් කාර් එකේ ගිහින් කවි අහමුද සෙලෙස්තිනා

ඉංගිරීසි රැජිණ වගේ මට නම් උඹ සෙලෙස්තිනා


පාරු පාලමෙන්...


ගායනය : සුනිල් එදිරිසිංහ 

පද රචනය: අශෝක කෝවිලගේ

සංගීතය: රෝහණ වීරසිංහ

සුනිල් එදිරිසිංහයන් විසින් ගයන ලද ‘පාරු පාලමෙන් එගොඩට ගැල්පේළිය සැපත් වුණා‘ ගීතය නිර්මාණය වූ ආකාරය සම්බන්ධයෙන් අශෝක කෝවිලගේ අදහස් දක්වමින් "මං එක්තරා දවසක ප්‍රංශ තානාපති කාර්යාලයට සම්බන්ධ ආයතනයක තිබුණු ඡායාරූප ප්‍රදර්ශනයක් නරඹන්නට ගිය මොහොතකදියි. විදෙස් ඡායාරූප ශිල්පියකු විසින් ගත් ඡායාරූප ප්‍රදර්ශනයක් වූ එහි පැරැණි කොළඹ තේමාව කරගත් අපූරු ඡායාරූප ගොන්නක් තිබුණා. වර්ෂ 1900 හා 1910 අතර කාලවකවානුවේ කොළඹ නගරයේ දසුන් මේ ඡායාරූප පෙළ අතර තිබුණා. ඒවා මගේ හිතට තදින්ම කාවැදුණා. පාරු පාලමෙන් ගීතය බිහි වුණේ ඒ අනුවයි. එය හරි අපූරුවට සුනිල් එදිරිසිංහයන්ගේ හඬට ගැළපුණා. ඊටම සරිලන අපූරු සංගීත සංයෝජනයක් රෝහණ වීරසිංහයන් නිර්මාණය කළා."


(උපුටා ගැනීමකි)




නිදි නැති රැය පුරාවට ...

නිදි නැති රැය පුරාවට කිසි නිමක් නැති සිතිවිලි සයුරටත් වැඩි මිස අඩුත් නැති අවසානයේ දී ඒ හැම බොඳ මීදුමක් සේ ඈතට පාවි පාවි ගිය හැටි මතකයි ජිවිත...