Tuesday, December 22, 2020

ඩැෆඩිල් මලේ ...

හිත මා සොරාගෙන

ගියේ ඇයි ද

ඩැෆඩිල් මලේ

හිම වාගෙ සුන්දර

හස කැන් රඳවා හදේ

මුමුනා කියන්නෙ

නල රැලින්

කඳු මානයේ

ඔබ තාම මාගෙමයි

වසත් කල යෞවනියේ

ඔබ තාම මාගෙමයි

වසත් කල යෞවනියේ


දුර ඈත ගං තෙරේ

සැඩ සීත මාරුතේ

වෙලී ගත ඈ

දෑත ගෙන මා

හීන් වැහි කෝඩයේ

මුව කමල ආදරෙන්

සිපගතිමි සීරුවෙන්

හැඟුම් සොඳුරුයි

රැඳුන නෙතගේ

එවන් සැන්දෑ කලේ


හිත මා සොරාගෙන....


විලෝ තුරු මං පෙතේ

සඳ උවන පිපි රැයේ

කෝල ලෙස ඈ

දෑත සැලුවේ

දෑල වැල් පාලමේ

හද විලම ආදරෙන්

සසල විය මුදු සරින්

හැඟුම් සොඳුරුයි

රැඳුණ මතකේ

එවන් සැන්දෑ කලේ


හිත මා සොරාගෙන...


ගායනය - දයාන් විතාරණ 

පදරචනය - චාමින්ද රත්නසූරිය 

සංගීතය - මහේන්ද්‍ර පැස්කුවල්


මේ ගීතයට පසුබිම් වූ හේතු පිළිබඳව චාමින්ද රත්නසූරිය අදහස් දක්වමින් "මට 1999 දී විතර දයාන් විතාරණ මුණගැහෙන්නේ. කිත්සිරිගේ මම ලියපු ‘නිසල සඳ කිරණේ‘ කියන ගීතය සංගීතවත් කළේ සමන්ත පෙරේරා. ඔහු තමයි මාව දයාන්ට අඳුන්වලා දෙන්නේ. කොහොම හරි අපි අතරේ ලොකු සම්බන්ධයක් හැදුණෙත් නෑ. ඒත් දවසක් දයාන් මට කැසට් කෑල්ලක් තියලා ගිහිං තිබුණා ස්ටුඩියෝ එකේ. දවසක් සුනන්ද මෙත්තසිංහ අපේ සවුන්ඩ් කරන මිත‍්‍රයා කතාකරලා අහනවා අර දයාන් අයියා උඹට දුන්න තනුවට සිංදුවක් ලිව්වාද කියලා. 


මම විලියම් වර්ඞ්ස්වර්ත්ගේ කවි රසිකයෙක්. වර්ඞ්ස්වර්ත්ගේ කවියක් තියෙනවා. ඩැෆර්ඩිල් මල මට අහුවෙන්නේ මේ කවියෙන්. ඒ එක්කම තමයි ‘ඩැෆර්ඩිල් මලේ‘ කියන ගීතය අර මෙලඩියට ලියවෙන්නේ. මේ කවියට අමතරව තව දේවල් ගොඩක් මේ ගීතය අස්සේ තියෙනවා. මගේ යාළුවෙක් හිටියා, ඔය බොස්නියා පැත්තෙන් ඉතාලියට පැන්න. බොස්නියා යුද්ධය එහෙම තියෙන කාලේ ඒ හරහා යනකොට ඔහුට බොස්නියාවලදි, හිතාගන්න බැරි විදිහේ ලස්සන කෙල්ලෙක් හමුවෙනවා. ඔහුට ලංකාවෙදි කෙල්ලෙක් හිටියේ නෑ. ඉතාලියට යන්න වෙනකොට ඔහුට මේ කෙල්ල දාලා තමයි යන්න වෙන්නේ. ඔහු ඒ දුක මට එහේ ඉඳලා ලියුමකින් ලියනවා. ඒකත් මගේ හිත අස්සේ කැරකි කැරකි තමයි තිබුණේ. 


තව මගේ මිත‍්‍රයේ හිටියා ටුවරිසම් කරපු, දවසක් එයා නුවරට ප්‍රංශ කෙල්ලෙක් එවනවා, මචං මෙයාව නුවරඑළියට ගිහිං අරලවපං කියලා. මම මේ කෙල්ල කැන්ඩි ස්ටේෂමෙන් අරගෙන නුවරඑළියේ යනවා. මේ යන අස්සේ අපි දෙන්නා අතර ආදරයක් ගොඩනැගෙනවා. නුවරඑළියේ විලෝ ගස් ගොමුවක් අස්සේදී ඇය මට කිස් එකක් දෙනවා. ඒ කාලේ ප්‍රංශ හාද්දක් කියන්නේ ලේසිද? කොහොම වුණත් මම අමාරුවෙන් එයාව නුවරඑළියේ නතර කරලා කොළඹ එනවා. මේ සේරම කතාවල එකතුවක් තමයි, ‘සිත මා සොරාගෙන ගියේ ඇයිද ඩැෆඩිල් මලේ‘ කියන සිංදුව අස්සේ තියෙන්නේ. මේ සිංදුවට දැන් අවුරුදු 20ක් වෙනවා. ඒත් තාමත් මට මේක දැනෙනවා.

(උපුටා ගැනීම - anidda.lk) 




නිදි නැති රැය පුරාවට ...

නිදි නැති රැය පුරාවට කිසි නිමක් නැති සිතිවිලි සයුරටත් වැඩි මිස අඩුත් නැති අවසානයේ දී ඒ හැම බොඳ මීදුමක් සේ ඈතට පාවි පාවි ගිය හැටි මතකයි ජිවිත...