බිව්ව නේද වද කහ සුදිය
බිව්ව නේද වද කහ සුදිය
අනේ මගේ එමලි පනේ
කියන්නකෝ ඇත්ත අනේ
බිව්ව නේද වද කහ සුදිය
බිව්ව නේද වද කහ සුදිය
බිව්ව නේද වද කහ සුදිය
අනේ මගේ එමලි පනේ
කියන්නකෝ ඇත්ත අනේ
බිව්ව නේද වද කහ සුදිය
දවාලෙදී රෑ උන ඒ දවසේ
එමලි ගියා පිලිකන්නට විගසේ
කලුවට සිටි එමලී පැනගෙන දුව ආපී
දෙයියො තමයි දන්නෙ සිද්දිය
ලංකාවට පුදුම දෙයක් බෝ උනා
සීමාවක් නැතුව පැතුරුනා
සුදු වෙන්නට හිතපු දනා
සුදිය නිසා මෝඩ උනා
බිව්ව නේද වද කහ සුදිය
බිව්ව නේද වද කහ සුදිය
බිව්ව නේද වද කහ සුදිය
අනේ මගේ එමලි පනේ
කියන්නකෝ ඇත්ත අනේ
බිව්ව නේද වද කහ සුදිය
අනේ මගේ එමලි පනේ
කියන්නකෝ ඇත්ත අනේ
බිව්ව නේද වද කහ සුදිය
අනේ මගේ එමලි පනේ
කියන්නකෝ ඇත්ත අනේ
බිව්ව නේද වද කහ සුදිය
පරන දෙයක් මතක් කරල දෙන්නද
වදකහ සුදියෙ සුලමුල
සුදු වෙන්නට හිතු එමලී
සුදිය නිසා මෝඩ උනී
බිව්ව නේද වද කහ සුදිය
බිව්ව නේද වද කහ සුදිය
බිව්ව නේද වද කහ සුදිය
අනේ මගේ එමලි පනේ
කියන්නකෝ ඇත්ත අනේ
බිව්ව නේද වද කහ සුදිය
බිව්ව නේද වද කහ සුදිය
බිව්ව නේද වද කහ සුදිය
අනේ මගේ එමලි පනේ
කියන්නකෝ ඇත්ත අනේ
බිව්ව නේද වද කහ සුදිය
තරුන කමේ නියම රසය දැනගෙන
තිරිහන් වෙන්න හදනවා
සුදු කෙස් කලු කරලා
බොරු දත් පෙළ දමලා
අදත් තරුන වෙන්න හදනවා
සුදු කෙස් කලු කරලා
බොරු දත් පෙළ දමලා
අදත් තරුන වෙන්න හදනවා
අනේ මගේ එමලි පනේ
කියන්නකෝ ඇත්ත අනේ
බිව්ව නේද වද කහ සුදිය
බිව්ව නේද වද කහ සුදිය
බිව්ව නේද වද කහ සුදිය
අනේ මගේ එමලි පනේ
කියන්නකෝ ඇත්ත අනේ
බිව්ව නේද වද කහ සුදිය
පදරචනය/ තනුව හා ගායනය - වොලී බැස්ටියන්
1955 සිදුවූ සූර්‍ය්ග්‍රහණය පාදක කරගනිමින් නිර්මාණය කර ගායනා කරන්නට යෙදුණු, ‘බිව්වා නේද වදකහ සුදිය‘ බයිලා ගීතය, අද වන විට සෑම සාජ්ජයකදීම ඇසෙන බයිලාවක් බවට පත්ව ඇත. මෙම මුල් ගීතය බයිලා රජු වොලී බැස්ටියන් විසින් රචනා කොට ගායනා කොට ඇත. (මෙම මුල් ගීතය සොයාගැනීමට අපහසුය)
මීට අමතරව මොරටුවේ ප්‍රථම ගායක කණ්‌ඩායම පිහිටුවා ගෙන සිටි ජනප්‍රිය ගායකයෙක්‌ වූ සී. එල්. ෆොන්සේකා මෙම සිදුවීම ගැන කල්පනා කරමින් ඔබ-මොබ ඇවිද්දේය. ඔහුගේ මොළයට අදහස්‌ ගලා එන්නට විය. ඔහු තම කාමරයට වැදී දොර වසා ගත්තේය.
"බිව්ව නේද වදකහ සුදිය - සුදු වෙන්නට හිතපු දනා - සුදිය නිසා මෝඩ වුණා - බිව්ව නේද වදකහ සුදිය" ඔහු ප්‍රබන්ධ කළ අතර මෙරිල් පීරිස්‌ එහි අඩුපාඩු සකස් කළේය.
තමාගේ ගායක කණ්‌ඩායම සමග පැදුරු සාඡ්ජවලට යන සී. එල්. ෆොන්සේකා එම සාඡ්ජවලදී මෙම ගීතය ගායනා කළේය. අතිශයින්ම ජනප්‍රියත්වයට පත්වූ "බිව්ව නේද වදකහ සුදිය" ගීතය ඔහු ගුවන්විදුලි වැඩසටහනකටත් ගායනා කළේය.
(පසුකාලීනව වොලී බැස්ටියන් විසින් ගායනා කල ගීතය විවිධ ගායකයින්, සංගීත කණ්ඩායම් ඔවුන්ට අවශ්‍ය පරිදි ගීතයේ වචන වෙනස් කර ගායනා කර ඇත.)
1955 ජූනි 20 වැනිදා ලංකාවටම අමතක නොවන දිනයකි. ඒ, එදා දහවල රටම මහා රෑ ඝන අදුර මෙන් කරුවල වී ගිය හෙයිනි. එදා ජූනි 20 වැනි සඳුදාවකි. සූර්යග්‍රහණය නිසා ලංකාවේ සියලුම පාසල්වලට රජය නිවාඩු දී තිබිණි. 20 වැනිදා උදේ 8.11 න් ඇරැඹෙන මේ අපූරු සිදුවීම දැකබලා ගැනීමට, විදෙස් රටවල ග්‍රහ විද්‍යාඥයෝ ලංකාවට පැමිණ, පොලොන්නරුව, කදුරුවෙල, හිඟුරක්ගොඩ, සීගිරිය, ත්‍රිකුණාමලය යන ප්‍රදේශවලට වී කඳවුරු බැඳගෙන, ඒ මොහොත එළැඹෙන තුරු බලා සිටියෝය.
සූර්යග්‍රහණය බැලීමට, වෛද්‍යවරුන් එදා අනුමත කළ කණ්ණාඩි බොහෝ සෙයින් විකිනිණි. ඒ මොහොතේ, රට පුරා විහාරස්ථානවල සෙත්පිරිත් සජ්ඣායනයට සූදානම් කර තිබිණි. සමහරු මන්ත්‍ර ජප කළහ. සෝවියට් සමූහාණ්ඩුව ඉල්ලීම් කළත්, එවකට මෙරට සිටි බලධාරීන් මෙය අධ්‍යයනය කිරීම සඳහා ඔවුන්ට මෙරටට ඒමට අවසර නොදුන් බව පැවසේ.
එවකට සිටි එක්තරා දේශීය වෛද්‍යවරයකු විසින්, සුර්යග්‍රහණ වෙලාවේදී පානය කිරීම සඳහා සුදුසු අපූරු බෙහෙතක්, 1955 ජූනි 19 වැනි දින පළ වූ ඉරිදා ලංකාදීප පුවත්පතේ මුල් පිටුවේ සඳහන් කර තිබිණි. ඒ, වද කහ යුෂයි. වද කහ සියුම්ව අඹරා, ඒ සඳහා විවිධ අනුපාතවලින් පානය කළහොත්, ශරීරයේ විවිධ ආබාධ දුරු වී, සුවදායක තත්ත්වයක් මතුවන බව, එහි සඳහන්ව තිබිණි.
තැඹිලි වතුරෙන් බී විට බුද්ධිය වර්ධනය වන බවත්, කොත්තමල්ලි වතුරෙන් බී විට රූප ශෝභාව වැඩිවන බවත් ආදී ලෙසින් මාත්‍රා පහකින් වදකහ බීමට නියම කර තිබිණි. වතුර බේසමකට නිල් දිය කර සූර්යග්‍රහණය බැලීමට හෝ කළු කණ්ණාඩියකින් හෝ කළු සෙලෝටේප් පටියකින් හෝ බැලීමට නියම කර තිබිණි. කෙළින්ම සූර්යග්‍රහණය පියවි ඇසින් බැලුව හොත් ඇස් අන්ධ වන බව එදා පුවත්පත්වල සඳහන් විය. හැම වෙද ගෙදරකම වදකහ බෙහෙත නියමිත මාත්‍රාවලින් සකස් කර, ජනයාට ලබා දුනි. බෙහෙත් බඩු කඩෙන් ගත් විවිධ පුද්ගලයන්, තමන්ට සිතැඟි මාත්‍රාවලින් වද කහ සාදා ගත්තේය.
සූර්යග්‍රහණය වෙලාවේ විවිධ මාත්‍රාවලින් වද කහ බීමෙන් රූපශෝභාව වැඩි වීමට, බුද්ධිය වර්ධනයට, කාලාන්තරයක් තිස්සේ පැවැති ලෙඩ රෝග සුව වීමට හා කටපාඩම් හිටීම සිදු වේ යැයි සිතූ අය, වද කහ බීමට යුහුසුලුව බලා සිටියේය.
නියමිත ජූනි 20 වැනි දිනය උදාවූ බව පවසමින්, වටින් ගොඩින් එළි වන්නට විය. එම සඳුදා උදේ ඔර්ලෝසු මත 8.11 සිට 8.15 වේලාව සටහන් වන විට, සූර්යග්‍රහණය ඇරැඹිණි. රටම අඳුරේ ගිලී ගියේය. කපුටන් ඇතුළු කුරුලු රෑන් කෑ ගසමින්, සිය කූඩු කරා නැවත පියඹා යන්නට විය. උදේ දිගෙලි කර වතුවල තණ කමින් සිටි හරකුන්, රාත්‍රිය එළැඹී ඇතැයි සිතා, ගාල් නොකළ බැවින්, බියවී කෑ ගසන්ට විය. රාත්‍රියේ පිපෙන මල්, පිපෙන්නට විය. නැවත එළිය වැටීමත් සමඟ ඈත මෑත පියාඹමින් වල්මත් වී සිටි පක්ෂීන්, කීචි බීචි හඬ නඟමින් මහත් ප්‍රීතියෙන් යුතුව නැවතත් පුරුදු ජීවන රටාවේ නියැළුණු අයුරු, එකල පුවත්පත් මඟින් කියැවුණි. පක්ෂීන් පමණක් නොව, දෙහිවල සත්ත්වෝද්‍යානයේ සිටි අලි ඇතුන්, ව්‍යාඝ්‍රයන් ඇතුළු සතුන් අමුතු ආකාරයකින් හඬනැඟීමට පටන් ගත් බවද කියැවේ.
බොහෝ පිරිස් විවිධ මාත්‍රාවලින් සෑදූ වදකහ බොන්නට ගත්හ. සමහරු වැරදි මාත්‍රාවෙන් වදකහ බොන්නට වූහ.
වද කහ බිව් බොහෝ දෙනාට වමනය හා බඩඑළිය යෑම ආදී රෝග මතු විය. රට පුරා එකවර වැඩිම පිරිසක් රෝහල්වලට ඇතුළු වූ ඉතිහාසයේ පළමු දවස මෙය විය. රූපශෝභාව වැඩි වීමටත්, බුද්ධිය වැඩි අරබයාත්, බොහෝ පිරිස් නියමිත මාත්‍රාව ඉක්මවා වදකහ බීවෝය.
සූර්යග්‍රහණය බැලීමට ගොස් දෙනෙක් මැරී වැටුණහ. දෙදෙනකුගේ ඇස් අන්ධ විය.
ලංකාදීප පුවත්පත පසු දිනයේදී වමනයට බෙහෙත් ද සඳහන් කර තිබිණි.
රටේම අය වද කහ බී ලෙඩ වීම නිසා, ලංකාදීප පුවත්පතේ වදකහ බෙහෙතට එරෙහිව දිනමිණ ‘වද කහ’ නමින් තීරු ලිපියක්ද පටන්ගෙන තිබිණි. ඉන්පසු එය ටික කලකින් නැවතුණි. ලංකාවට දර්ශනය වූ එම සූර්යග්‍රහණය පූර්ණ සූර්යග්‍රහණයක් ලෙස සටහන් වී ඇති අතර, ලංකාව හැරුණු විට එය දර්ශනය වී ඇත්තේ සියමය, වියට්නාමය, පිලිපීනය යන රටවලට පමණි. විනාඩි 7 යි තත්පර 8 ක් පුරා සිදු වූ මේ සූර්යග්‍රහණය, දර්ශනය වූ විශාලතම සූර්යග්‍රහණයක් ලෙස හැඳින්වේ.
(උපුටා ගැනීමකි)
