හිම රේණු වැටෙනා සීතලේ
නෙත ගාව රඳවා ආදරේ
සුදු සේල සුළ‍ඟේ පා කළේ
ඔබ නේද මාගේ බිසෝ
රන් තෝඩු සැලෙනා රාවයේ
සිත ගාව බැන්ඳු මාළිගේ
රතු රෝස යහනා සෑ‍දුවේ
මට නේද මගෙ මල් සරෝ
මධු පානයක් සේ වෑහිලා
යනවා ද දෙතොලේ ගෑවිලා
මනමාලයන්ගේ චේතනා
නොකියා ද පාලා සිනා
හිම රේණු වැටෙනා සීතලේ
නෙත ගාව රඳවා ආදරේ
සුදු සේල සුළ‍ඟේ පා කළේ
ඔබ නේද මාගේ බිසෝ
රන් තෝඩු සැලෙනා රාවයේ
සිත ගාව බැන්ඳු මාළිගේ
රතු රෝස යහනා සෑ‍දුවේ
මට නේද මගෙ මල් සරෝ
මුතු මාලයක් සේ යාවුණේ
අපි ආත්ම ගණනේ පෑ සෙනේ
මනමාලියන්ගේ චේතනා
පවසාවි දෑසේ ලතා
රන් තෝඩු සැලෙනා රාවයේ
සිත ගාව බැන්ඳු මාළිගේ
රතු රෝස යහනා සෑ‍දුවේ
මට නේද මගෙ මල් සරෝ
හිම රේණු වැටෙනා සීතලේ
නෙත ගාව රඳවා ආදරේ
සුදු සේල සුළ‍ඟේ පා කළේ
ඔබ නේද මාගේ බිසෝ
ගයනය - ග්‍රේෂන් ආනන්ද සමග ලතා වල්පොල
පද රචනය - සමන් චන්ද්‍රනාත් වීරසිංහ
තනුව හා සංගීතය - සරත් දසනායක
"ආත්මා" චිත්‍රපටියෙන්
”හිම රේණු වැටෙනා සීතලේ” ගීතය බිහිවීම පිළිබඳව එහි පදරචනය කළ සමන් චන්ද්‍රනාත් වීරසිංහ මහතා අදහස් දක්වමින්....
සරත්ගේ දසනායකයන් සංගීතය සැපයූ "ආත්මා" චිත‍්‍රපටයට ගේ‍්‍රෂන් ආනන්ද සමග ලතා වල්පොල මහත්මිය ගීතය ගායනා කළේ. සරත් දසනායකයන් මං මේ සිංදුව ලියන වෙලාවේ මට කිව්වා "මචං කෙල්ලෙක්ගෙ කනේ තියෙන තෝඩුවකට නිය පිටින් පහරක් ගැහුවොත් සද්දයක් ඇති වෙනවනේ, අන්න ඒක ඔලූවේ තියාගෙන මේක ලියපන්, මෙන්න මේ ටියුන් එක ඇතුලේ" කියලා. එහෙම තමයි ඒක ලිව්වේ. අනිත් එක පෙම්වතා සහ පෙම්වතිය දෙන්නා කසාද බැඳලා මධු සමයට යන අතරමග පසුබිමින් තමයි මේක අහන්නේ කියලා.
ඔය සිංදුව පටිගත කරපු දවසේ ලතා අක්කාට සරත් දසනායකයන් කිව්වා ලතා අක්කා එච්චර කෙල්ල වෙන්න ඕන නෑ කියලා. එහෙම කිව්වේ ලතා අක්කා ඒ තරම් හොඳට ගායනා කළ නිසා. මර්වින් පෙරේරා ගේ‍්‍රෂන්ට කිව්වේ සරත් දසනායකගේ කැලෑ මල කියලා. ගේ‍්‍රෂන්ව ගායකයෙක් ලෙස ඉස්සරහට ගත්තේ සරත් දසනායකයන් නිසා.
(උපුටා ගැනීමකි)
