පායා ඇයි හිනැහෙන්නේ ...

පායා ඇයි හිනැහෙන්නේ

නිල් ගුවනේ තරු රාශී

ඇතිවී නැතිවී නම් ඇගෙ මුහුණේ

නිල්වන් දෙනෙතේ කාන්තී

පායා ඇයි හිනැහෙන්නේ

ඇගෙ වත මට නොපෙනේනම්

පුන් සඳ ඇයි හිනැහෙන්නේ ...//

නැතිදා ඇගෙ ගී රාවේ

කොවුලනි ඇයි ගී ගැයුවේ

කොවුලනි ඇයි ගී ගැයුවේ

වනයේ පිපි මල් ගොමුවේ

සමනලයිනි ඇයි නැටුවේ

ඇතිවී නැතිවී නම් ඇගෙ මුහුණේ

නිල්වන් දෙනෙතේ කාන්තී

පායා ඇයි හිනැහෙන්නේ

ඇගෙ දිමුතු දසන් නොපෙනී

මට මොකටද මුතු පන්තී ...//

ඇගෙ කඳුළැලි නැති විටදී

ඕනෑ නෑ දියමන්තී

ඕනෑ නෑ දියමන්තී

පායා ඇයි හිනැහෙන්නේ

නිල් ගුවනේ තරු රාශී

ඇතිවී නැතිවී නම් ඇගෙ මුහුණේ

නිල්වන් දෙනෙතේ කාන්තී

පායා ඇයි හිනැහෙන්නේ

ගායනය - එච්.ආර්. ජෝතිපාල

පද - ඇලෝයි ගුණවර්ධන

සංගීතය - මොහොමඩ් සාලි

හින්දි ගී තනුවකි.

1958 දී තිරගත වූ "මධුමතී" චිත්‍රපටියට ‍මොහොමඩ් රාෆි ගායනා කළ "Toote Hue Khwabon Ne" ගීයෙන් තනුව උපුටා ගෙන ඇත.

1958 තිරගත වුන මධුමතී චිත්‍රපටිය අධ්‍යක්ෂණය කලේ බිමල් රෝයි මහතා. '40 හා '50 දශකයේ ෂාරුක් ඛාන් වුනු දිලිප් කුමාර් මහතා එක්ක වෛජයන්ති මාලා තමයි රංගනයෙන් දායක වුනේ. ඉතාමත් ජනප්‍රිය ගීත ගණනාවක් මේ චිත්‍රපටියේ තිබුනා. ෂයිලේන්ද්‍රගේ ගී පද වලට සලීල් චෞද්‍රි තමයි සංගීතය එකතු ක‍ලේ. මේ ගීතය තමයි "ටූටේ හුවේ ක්වාබෝනේ" කියලා කියන්නේ සිංහල තේරුම "සිහින බිඳී ගියා" කියන එක.