ගහ කොළ මල් කඳු වැටි නිසොල්මනේ
අසා සිටිනවා
අපේ පෙම් පිළිසඳරේ
රස වෑහෙන සිලෝ ගීතිකා – රහසේ
දෑස් වලින් කතා කරමු
දෑස් වලින් – රහසේ
ගහ කොළ මල් කදු වැටි නිසොල්මනේ අසා සිටිනවා
අපේ පෙම් පිළිසඳරේ
රස වෑහෙන සිලෝ ගීතිකා – රහසේ
දෑස් වලින් කතා කරමු
දෑස් වලින් – රහසේ
රන් දුනුකේ මල් මුවරද දෙතොල් විතේ රැඳී දිලේ
රන් දුනුකේ මල් මුවරද දෙතොල් විතේ රැඳී දිලේ
රැයේ අඳුරේ ඒ මීවිත මටයි
එවිට ඔබට කතා නෑ – රහසේ
දෑස් වලින් කතා කරමු
දෑස් වලින් – රහසේ
සීගිරියේ පෙම් සිරිසර නිසල ලෙසින් ගල් අරඹේ
සීගිරියේ පෙම් සිරිසර නිසල ලෙසින් ගල් අරඹේ
ඹබේ සෙවනේ මා ගී හඬ ගොළුයි
මුවට වදන් මතක නෑ – රහසේ
දෑස් වලින් කතා කරමු
දෑස් වලින් – රහසේ
ගහ කොළ මල් කඳු වැටි නිසොල්මනේ
අසා සිටිනවා
අපේ පෙම් පිළිසඳරේ
රස වෑහෙන සිලෝ ගීතිකා – රහසේ
දෑස් වලින් කතා කරමු
දෑස් වලින් – රහසේ
දෑස් වලින් කතා කරමු
දෑස් වලින් – රහසේ .////
ගී පද : මහාචාර්‍ය සුනිල් ආරියරත්න
සංගීතය : ආචාර්ය වික්ටර් රත්නායක
ගායනය : වික්ටර් රත්නායක සමඟ ලතා වල්පොල
චිත්‍රපටය : ශ්‍රී මධාරා
තිරගත වූ දිනය : 1977 මාර්තු 18
ඉදිරිපත් කිරීම : ශ්‍රී ගනේෂ නවෝ ෆිල්ම්ස් නිෂ්පාදනය -- දයානන්ද වන්නිආරච්චි, ආර්. එන්. බී. විජේරත්න මහත්මිය කතාව තිරනාටකය, දෙබස් සහ අධ්‍යක්‍ෂණය : සතිස්චන්ද්‍ර එදිරිසිංහ
රංගනය : ඇලෙක්සැන්ඩර් ප්‍රනාන්දු හා ශ්‍රියානි පෙරේරා
ගහ කොළ මල් කඳු වැටි මෙම රස වෑහෙන පෙම් පිළිසඳර අසාගෙන ඉන්නේ. මේ සොබා සෞන්දර්යය පමණක් තමන් දෙස හොරැහින් බලාගෙන ඉන්න බව පෙම්වතුන් දන්නවා. තමන්ගෙ පෙම් පිළිසඳර අහන්න සොබා දහමත් අකමැති හැඩයි. එනිසා ස්වභාවධර්මය මුවින් අදහස් හුවමාරු කිරීම නවතා ඇස් වලින් කථා කරන්න අදහස් කරනවා.
රන් දුණුකේ මල් මුවරද
දෙතොල් විතේ රැඳී දිලේ
රැයේ අඳුරේ ඒ මීවිත මටයි
එවිට ඔබට කතා නෑ - රහසේ
දෑස්වලින් කථා කරමු
දෑස් වලින් රහසේ
දෑස්වලින් පමණක් කථාබස් කරමින් ආදරෙන් බැ‍ඳෙන්නේ සීගිරි අප්සරාවන් වගේ.
සීගිරියේ පෙම් සිරිසර
නිසල ලෙසින් ගල් අරඹේ
ඔබේ සෙවනේ මා ගී හඞ ගොළුයි
මුවට වදන් මකත නෑ රහසේ
දෑස්වලින් කථා කරමු
දෑස්වලින් රහසේ
සීගිරි අප්සරාවන් කතා කරමින් පෙම් කරයිද? සිගිරි පර්වතයේ ඔවුන් ගොළුයි. අන්න ඒ වගේ මේ පෙම්වතුන් දෙදෙනාත් එකිනෙකා ළඟ ගොළුයි. නිහඬව කතාකරන ඇස්වලින් ඔවුන් අදහස් ප්‍රකාශ කරමින් පෙම් කරනවා. ගීතය තුල ඉතාමත් රමණීය ලෙස මෙම පෙම් පිපිළිසඳර කියාපාන්නට රචකයා කටයුතු කර ඇත.
(උපුටා ගැනීමකි)
No comments:
Post a Comment