Monday, May 31, 2021

හිම දියවී හිමාලයේ ...

ලාංකීය සුභාවිත ගීත සාහිත්‍යයේ හමුවන අපූර්ව ගීතයක්. සදාතනික ආදරවන්තයන් වූ රාඨා සහ ක්‍රිෂ්ණා යොදාගෙන ප්‍රේමයේ හිනිපෙත්තටම නැග ශෘංගාරය ඉදිරිපත් කරයි.


හිම දියවී හිමාලයේ යමුනා ගගඟ 

නගයි තරංගා..සුදු පෙණකැටි බලන්න රාධා....

සුළඟ හමයි සීතල සාදා..

සීතල ගිනි ගනීද ක්‍රිෂ්ණා..


හිමාලයේ හිම දියවී යමුනා ගඟ උතුරන අවස්ථාවක ගඟ අසල දෙදෙනාගේ හමුවීම සිදුවෙයි. හිම දියවී ඇත්තේ දෙදෙනාගේ ප්‍රේමයේ ඇති උණුසුම නිසාය..


සිනා රැලි නගා උතුරන ඔය හදවත් නීල ජලාශේ

පීනන මේ ස්වර්න හංසයෝ..

අකීකරුද මෙතරම් රාධා..


වත නැමැති නීල ජලාශයේ පීනන ස්වර්ණ හංසයන් ඇගේ ලැම යි. හංසයෝ අකීකරුවීම යනු ඇගේ ලැමෙහි ඇති ආකර්ශනීය බවයි..


ඉඩදී දෙන්නට දඬුවම්

දෑස වසා ඉන්නම් ක්‍රිෂ්ණා..


"මාගේ ලැම හංසයන්ට ඔබ කැමති දඬුවමක් දෙන්න මම එය දෑස් පියාගෙන රසවිඳින්නම්" ශෘංගාරයේ රසය අපූරුවට ඉදිරිපත් කරන අවස්තාවක්..


මල්පෙති පොඩි වී ඉකිලන මේ හෝපලු

යහන් තලාවේ

සඳ දිය මිණිමෙවුලට වැටිලා

දෑස නිලංකාරයි රාධා..

ගිලිහී ගියදෙන් මිණිකැට

දෑස වසා ඉන්නම් ක්‍රිෂ්ණා..


දෙදෙනා හමු වී ඇත්තේ රාත්‍රියේ සඳ සෙවනකය. සඳ එළිය මිණිමෙවුලට වැටිල දෑස නිලංකාර වෙලා.. සංකල්ප රූප..


ඇත්තටම මොකක්ද මේ මිණිමෙවුල...!!!! ම්ණි මෙවුල යනු අතීතයේ කතුන් තම රහසඟ වැසෙන සේ පැලඳි ආභරණයකි ...


ගායනය    :  අමරසිරි පීරිස් සමඟ වසන්තා තිලකාංගනී

පද රචවය : ධම්මික බණ්ඩාර (ආදී ආනන්දීයෙකි) මගේ පුංචි රෝස මලේ, හන්තානට පායන සඳ, ඇය ආයෙමත් ඇවිදින් යන ගීත රචනා කොට ඇත.

සංගීතය : ඩැනිස්ටර් පෙරේරා




No comments:

Post a Comment

කඳුළ නිවන්නම් ...

කඳුළ නිවන්නම් නෙත නොතෙමනවා නම් තනියට ඉන්නම් තනි නොකරනවා නම් මතකයෙ ඉන්නම් අමතක නොමවේ නම් සෙනෙහෙ පුදන්නම් හිත නොරිදනවා නම් මල් පූදින්නේ දැඟිලි...