| මේ මැයි ගහ යට |
කව්රුත් ප්‍රියකරන මිල්ටන් මල්ලවාරච්චි මහතාගේ ගායනයෙන් හා මිල්රෝයි ධර්මරත්නයන්ගේ සංගීතයෙන් ඔපවත්වී එදා මෙදා තුර අමරණීය ගීතයක් විදිහට ලාංකීය ජනතාවගේ හඳවත් වලට සමීප වීඇති මේ මැයි ගහ යට ගීතය රචනා කර ඇත්තේ අජන්තා රණසිංයන්ය...
මෙය ඔහුගේ පෞද්ගලිගක අත්දැකීමක් හරහා නිර්මාණය වූවකි..
ගීතයෙන් කියවෙන මැයි ගහ පිහිටා ඇත්තේ බේස්ලයින් පාරේ මවුන්ට්මේරි කියන ප්‍රදේශයේ. (දුම්රිය නිල නිවාස, රේල් වේ ක්‍රීඩාංගණය ඉදිරිපිට නාලන්ද විද්‍යාලය පසුපස) ඒ හරියෙ මැයි ගස් ගොඩක් තිබිල තියෙනව ප්‍රදේශයේදී අජන්තා රණසිංහයන් ලද අත්දැකීමක් ගීතයකට පෙරළුනා..
"අපි හමුවුනේ ඒ හරියෙදි. මල් පිපෙන කාලයට ගහ පිරෙන්න මල් පිපෙනවා ඇයගෙන් වෙන්වෙලා අවුරුදු දහයකට විතර පස්සෙ මම මේ පාරෙන් මගෙ කාර් එකෙන් ගමට ගියා.මට මැයි ගහ දැක්කහම අතීතය මතක් උනා. මම.කාර් එකෙන් බැහැල ඒ ගහ යටට ගියා. එදත් මැයි මල් වැටිල තිබුන. හීන්පොද වැස්සක් වැටුන. අදටත් තේරෙන්නේ නෑ එදා ඒ ගහ යට නතරවුනේ ඇයි කියල. වැස්ස තුරල් වුනා මට අතීතය මතක්වුනා. මම ඒකාලෙ ගීත ලියන්නෑ මේ අත්දැකීම මගේ හිත අස්සෙ තිබුන. එය තමයි පසුකලෙක ගීතයක් ලෙස ලියැවුනේ.." යනුවෙන් ආචාර්ය අජන්තා රණසිංහයන් විසින් පවසා ඇත.
එම තරුණිය ප්‍රසිද්ධ ගායකයෙක්ගේ නැගනියක් (ඇය එච්.අයිරාංගනී - අසහාය ගායක එච්.ආර්.ජෝතිපාලයන්ගේ නැගණිය) පසුව ඇය ජනාධිපති නීතිඥ හේමන්ත වර්ණකුලසූරිය මහතා සමග විවාහ විය.
මේ මැයි ගහ යට දවසක්දා
වැස්සට අපි උන්නා...
රතුකැට වාගේ මැයි මල් පිපි පිපී
අපට සෙවන දුන්නා...//
මැයි මාසේ එක සැන්දෑ වරුවක
සීතල වැහි පොද වැටෙන වෙලේ
ආදර වියෝවක් සිතින් එබෙන සඳ
වැහි පොද සේ නෙතු කඳුළු සැලේ..
මේ මැයි ගහ...
වැහිපොද වැටුනත් ඉස්සර වාගේ
මැයි මල් පිපුනත් රතට රතේ
අප දෙදෙනෙකු නැත අද මා පමණයි
මැයි ගස් සෙවනේ අඳුරු පෙතේ...//
මේ මැයි ගහ...
No comments:
Post a Comment