අධිනීතිඥ රන්බණ්ඩා සෙනෙවිරත්නයන් එක්තරා සෑදෑ වරුවක දළදා සමිදු වැදපුදා ගන්න ගියෙ තවත් යහඵවෙක් එක්ක. ඒ යන අතරමග ඔහු දැක්ක එක්තරා ලස්සන යුවතියක්. දුක්මුසු පෙනුමකුත් එක්ක. සුදුවතින් සැරසිලා තෙල්. මල්. දෝතින් අරන් දළදා සමිදු වදින්න යනවා. නැවත වරක් හැරිල බලන්න හිතෙන තරමට ලස්සන යුවතියක් ඇය. ඔහු සමග ගිය යහඵවා කියනවා ඇය ගැන විස්තර..
"ඇය ගණිකා වෘත්තියෙ යෙදෙන යුවතියක්. හැම දවසකම රැකියාවට යන්න කලින් හවසට දළදා සමිදු වැදලා යන්නේ.".
ඔහුට මේ ගැන විස්තර හොයන්න හිතෙනවා...
ඇය දෙමාපියන්ට අකීකරු වෙලා විවාහ වුන යුවතියක්...අන්තිමේදී ඇගේ සැමිය ඇය අතහැර ගිහින්. දරුවෙක් සමග තනිවෙලා. නෑදෑයො ඇයව ප්‍රතික්ෂේප කරලා..අකීකරු නිසා. අන්තීමේදි ඇය අකමැත්තෙන් හරි මේ රැකියාවට යොමු වෙනවා. දරුවා වෙනුවෙන්..ජීවත් වෙන්න. ඔහු මේ විස්තරේ ගීතයක පද බවට පෙරලනවා..
මෙම ගීතයෙ විශේෂත්වය මා දකින විදියට. රචකයා විසින් සමාජයේ පිළිකුල්ම රැකියාව කරන කාන්තාවක් වුවද ඇය දෙස යම්කිසි සාධාරණ අනුකම්පා සහගත ආකාරයට බලනවා. දෙනෝ දහක් රාත්‍රි ඇගේ පහස ලබන පිරිමින්ම දහවලේදී ඇය පිලීකුල් කිරීම විවේචනය කිරීම අසාධාරණ බව ඔහු පෙන්නල දෙනවා. ඔහු ඇයව කිසාගෝතමියට..පටාචාරවට සමාන කරනවා. ඔවුන්ද සමාජ අසාධාරණයට ලක් වූ කාන්තාවන් නිසා. ඇගේ හදවතේ තියෙන දුක වේදනාව මිනිසුන්ට නොපෙනෙන බව හරි අපුරුවට කියල දෙනවා..
අමරසිරි පීරිස් ලයාන්විත හඩ... ප්‍රේමසිරි කේමදාසයන්ගෙ . තනුවට.හරි අපූරුවට ගැලපුණා.
ලදුනේ... //-
ඔබේ දෑස දැක ගත්තෙමි සැදෑ කලෙක
ලදුනේ.....//-
දෙනෝදහක් අත ගත්තද සැමියෙකු නැති ලදුනේ ...
නෑයෙක් නෑකම නොකියන වීදි සරන
ලදුනේ...//-
තෙල්මල් ගෙන දෝත දරා..
මුනි කුටියට පියමං වන
ඔබේ දෑස දැක ගත්තෙමි
සැදෑ කලෙක ලදුනේ ලදුනේ. ...
බුදුන් දැක නිවන් දකින්...
දෙව්ලොව යන පාර අහන්...
ඔබද පටාචාරවකි
ඔබද කිසාගෝතමියකි.
පිරිමින්ගේ පාප කදට දෝෂ විඳින ලදුනේ ලදුනේ...
අදුරේ පව් කරන දනා...එලියේ රවන ලදුනේ..
ලැම පමණක් ලොවට පෙනෙන
ලය නොපෙනෙන ලදුනේ ..ලදුනේ....
කුහුඔුවෙකුට වරදක් නැති..
වැරදිකාර ලදුනේ...
ලදුනේ....//-.
No comments:
Post a Comment