සිංහල සිංදු කියන නළලේ තිලක තියන කිරිල්ලී
තුඩින් හදවතක් අරගෙන
ගිනිගත් තල් අරඹට
ආවාදෝ ඉගිල්ලී….
රත්න ශ්‍රී විජේසිංහයන් අතින් මේ පද පේලි බිහි වීමට මුල් වුයේ දයාසේන ගුණසිංහ මහත්මයාගේ “සිව්දෙස” සඟරාවයි. දිනක් එහි පල වී තිබුණු පුවතක් දුටු විගසම මෙම ගීතයේ ගායක “ගුණදාස කපුගේ ” මහතාට ඒ පුවත පිළිබඳව සිය හිත මිතුරු රත්න ශ්‍රී මහතාට නොදන්වා සිටීමට නොහැකි වුනා..
එම ලිපියේ තිබු ආකාරයට මාතර කඹුරුපිටිය ප්‍රදේශයේ විනීතා ගුණසේකර නමැති තරුණිය පොලිස් සේවයට බැඳෙනවා. නමුත් ඇයට සේවය කිරීමට සිදු වන්නේ කිරුලපන පොලිස් ස්ථානයේ.. ඒ සම කාලීනවම පොලිස් සේවයට එක් වුනු තරුණයෙක් තමයි නඩේෂන්.. මේ දෙදෙනාගේ සිත් ලං වීමට නඩේෂන්ට හරි හැටි සිංහල කතා කිරීමට බැරි වීමවත් විනිතාට දමිල කතා කිරීමට තිබු නොහැකියාවවත් හරස් වුනේ නැ… කාලයේ අවෑමෙන් දෙදෙනාගේ පෙම වැඩෙද්දීම 1983 වකවානුවේදී තිබුන වාර්ගික ගැටළු නිසාම විනීතා සහ නඩේෂන්ගේ ප්‍රේමයට ඥාති, දෙමාපිය ආශිර්වාදය නම් හිමි නොවුනේ අවාසනාවට… ඒ කිසිත් නොතකා තමන්ගේ ලෝකයක් වෙත හිතුමතේ පියවර තබන ඔවුන් යුග දිවියට එළඹි දිවි ගෙවන්නට යන්නේ නඩේෂන්ගේ ගම පළාත වුනු උතුරුකරයට. තමන්ගේම ලෝකයක් ගැන සිහින මැවූ ඔවුනට අවසානයේ සිදු වන්නේ LTTE ත්‍රස්තයින් සමග එක් වීමටයි..
නඩේෂන් LTTE පොලිස් අංශ නායකයා වෙද්දී විනිතා එහිම ප්‍රබල කොටි සාමාජිකාවක් වුනා..ඇය කොටි සාමාජිකසාමාජිකාවන්ට සිංහල භාෂාව ඉගැන්වීමේ කටයුතු සිදු කළා. මොවුන්ට දරුවන් දෙදෙනකු සිට ඇත. (2009 වසරේදී මොවුන් සියළුම දෙනා මියගොස් ඇත.)
සිංහල සිංදු කියන නළලේ තිලක තියන කිරිල්ලී
තුඩින් හදවතක් අරගෙන
ගිනිගත් තල් අරඹට
ආවාදෝ ඉගිල්ලී……………
දිව නුහුරු බසින් පෙම් කවි කී කුරුල්ලාට වසී වී
ගිනි මලින් තැනූ මල් පොකුරක් අතට ගත්ත මනාලී
මධු සමේ මධුර කටු අතරේ
පිපී වැනුණ සුරෑපී
ගිනි අවිත් එක්ක පෙමින් බැඳුණ විගඟ සෙනග හඩාවී
ඒ කඳුළු සිංහලට නගන්න
නුඹට හැකිය ප්‍රියාවී
ආදරය නුඹට බාරයි
රැක ගනින් දේවතාවී….
කෙටි නොවුණු මේ වෘතාන්තය අකුරක් නෑරම ගීයකට ගොනු කරන්නට රත්න ශ්‍රී ශූරීන් තුල වූ අපූර්වතම හැකියාව පිලිබඳ මේ ගේය පද එකින් එක විග්‍රහ කිරීමෙන් ඔබව නිසැකවම මවිතයට පත්වනු ඇත..
ගායනය : ගුණදාස කපුගේ
පද රචනය : රත්න ශ්‍රී විජේසිංහ
සංගීතය : ගුණදාස කපුගේ
පසුකාලීනව කොටි පොලිස්පති නඩේෂන් ද මෙම ගීතයට ඉමහත් ලෙස ප්‍රිය කර ඇත.
No comments:
Post a Comment