ජෝති ගැයූ ‘පෙම්වතුන්ට සරණේ’ ගීතයට පිළිතුරු ගීතය කරුණාරත්න අබේසේකරයන් මිල්ටන්ට ලියා දුන්නේය. ඒ ගීතය ද සාලි හා මුත්තුසාමිගේ තනුවක් ලෙස ජනප්‍රිය වූහ.
අනංගයා සරණේ පෙම්වතුන්ගේ මරණේ
තරුණ තරුණියන්ට නොමැති දෙවියනි දෙවියනි රැකවරණේ
අනංගයා සරණේ...
බිරිතනියේ කිරුළ අයිති වින්සර් ආදිපාදයා
මල්සරාගෙ හීය වැදී රජ සැප හැරදා ගියා
දුස්මන්තා කුමරු සමග සකුන්තලා පැටලුනේ
මල් හීයෙන් විදපු නිසයි ඇවිදින කොට ඇය වනේ
අනංගයා සරණේ පෙම්වතුන්ගේ මරණේ
කවියත් ගත්කරුවත් ලොව උමතුවෙලා වැළපුණේ
අනංග හී සැරය නිසයි සක් දෙවියන් ගොළු වුණේ
ලයිල මජ්නු පෙම් කතාව හද දෙදරණ පුවතකි
කුසුම්සරා වාසි අතට පගා ගසන මිනිහෙකි
අනංගයා සරණේ පෙම්වතුන්ගේ මරණේ
සෙල්ලම් කොට දුන්නෙන් විඳ මුවා වෙලා සැඟවුණා
මිල්ටන් වැනි මහා කවියන් මල්සරාට රැවටුනා
රෝමියෝ ජුලියට් වාගේ පෙම් බැඳියන් නැති කළේ
මලවි කියන මල්සරාය මැව්වේ දුක් ගිනි මැලේ
අනංගයා සරණේ පෙම්වතුන්ගේ මරණේ...
ජෝති හා මිල්ටන්ගේ අනංග වාදයට ගීත ලියූ කරුණාරත්න හා ගුණරත්න සොහොයුරන් ද අමනාප වී ඇති බව ගුවන් විදුලි අසන්නන් සැක පහළ කළහ.
No comments:
Post a Comment