දවසක් දා.. හැන්දෑවක..

දවසක් දා.. හැන්දෑවක..

පොතක් බලන්නට සිතුනා..

හිතුවෙත් නෑ.. ඒ ජාමෙට..

ඔබව මතක්.. වෙයි කියලා..

ඈ මගේ ගතේ හැඟුමන් පෙලා..

ඈ මගේ සිතේ සක්මන් කලා..

මා දිහා බලා සුසුමන් සලා..

ආදරෙයි කියා නොකියා ගියා..

කියා පොතේ ලියවී තිබුනා..

රේණු රේණු මල් මිටේ රේණු..

ඈට පෙම් කරන්න මට බෑ ලූ..

රන් සමනල තටු මට ලැබෙන්නෙ නෑ ලූ..

රොන් පීරී සැලෙන්න මල් රේණූ..

සද වත දෝ.. මා දුටුවේ..

ඔබෙ ගත දෝ.. මා දුටුවේ..

සිතුවම් දෝ.. මා දුටුවේ..

හැබහින් දෝ.. ඔබ දුටුවේ..

ඈ මගේ ගතේ හැඟුමන් පෙලා..

ඈ මගේ සිතේ සක්මන් කලා..

මා දිහා බලා සුසුමන් සලා..

ආදරෙයි කියා නොකියා ගියා..

කියා පොතේ ලියවී තිබුනා..

රේණු රේණු මල් මිටේ රේණු..

ඈට පෙම් කරන්න මට බෑ ලූ..

රන් සමනල තටු මට ලැබෙන්නෙ නෑ ලූ..

රොන් පීරී සැලෙන්න මල් රේණූ... //

රොන් පීරී සැලෙන්න මල් රේණූ...

ඈට පෙම් කරන්න මට බෑ ලූ...

පදරචනය, සංගීතය හා ගායනය - රූකාන්ත ගුණතිලක 

කවදත් නොමැරෙන මේ ගීතයේ පූර්ණ අයිතිය රූකාන්ත ගුණතිලක මහතාට අයිතියි. ඔහු වාග්ගේයකාරයෙක් කියලා හඳුන්වන්නට මෙය හොඳම උදාහරණයක්. තවත් ගීත ඔහු රචනා කරලා තියෙනවා. ඉතින් 1985 වසරේ දී ඔහු ස්විට්සර්ලන්තයේ සංගීත කණ්ඩායමක කටයුතු කරනවා. එක්තරා නිවාඩු දවසක ඔහුගේ මිතුරන් ටිකක් ඈත පළාතකට ගිහින්. ඔහු පමණයි කාමරයේ හිටියේ. එදා හැන්ඳෑවේ ඔහුගේ ඇඳ මත පොතක් තිබෙනවා දැක්කා ම ඒ පොත දිහා බලන්නට හිතුණා.

පොත දිහා බලනකොට ම මේ ගීතයේ මුල්වචන ටික ඔහුට හිතට නැගුණා. ඒ වෙලාවේ ඔහුගේ අතේ සංගීත භාණ්ඩයක් තිබුණේ නැහැ. ඔහු වහාම සංගීත කාමරයට දුවගෙන ගිහින්, උපකරණ ක්‍රියාත්මක කරලා රෙකෝර්ඩරයක් ළඟින් තියාගෙන තනුව නිර්මාණය කරනවා. ගීතයේ කොටසක් නිර්මාණය කරලා ඉතුරු ටික ඔහු ලංකාවට පැමිණි පසු නිමවා අවසන් කරනවා. ඉන්පසු අපිට මේ ගීතය අහන්න ලැබෙන්නේ මුල්වරට, ඔහුගේ බඹර පහස කැසට් පටයෙන්.