සෝමතිලක ජයමහ මහතා ගායනා කරන "වත්සුනු සුවදින් සුවද කෙරේයා" කියන ගීතය. මේ ගීතය පද රචනය , සංගීතය සහ ගායනය මේ සියල්ලම කරන්නේ සෝමතිලක ජයමහ මහතා විසින්...(වාග්ගේයකරුවෙකු)
සෝමතිලක ජයමහ මහතා කාලයක් විභාග දෙපාර්තමේන්තුවේ ප්‍රධාන පරිපාලන නිලදාරියා විදිහට සේව කරා. ඉතින් එතුමාගේ කාර්යාලය ලගින් තමයි කැන්ටිමට යන්න තිබුනේ.. ඉතින් දෙපාර්තමේන්තුවේ වැඩ කරන හැමෝම එතුමාගේ මේසය ලගින් තමයි කැන්ටිමට යන්නේ.
ඉතින් මෙතනින් කාන්තාවෝ කැන්ටිමට යන එනකොට එයාලාගේ විලවුන් සුවද මෙතුමාට දැනෙනවාලු.
දවසක් සෝමතිලක ජයමහ මහත්මයා කුරුණෑගල එතුමාගේ ගමේ ගිහින් ලිඳෙන් නානකොට නිකම්ම හිතට ආවලු "වත්සුනු සුවදින් සුවද කෙරේයා" කියන කෑල්ල. හිතේ තියාගෙන හිටපු මේ පද පේලිය නාලා ඉවර වෙලා කොලේක සටහන් කරගත්තලු.
ගීතයක් නොවී එතුමා ලඟ තිබුනු ටික කාලයක් තිබුනු මේ පදයට ගීතයක් ලියන්න කරුණු ලැබෙන්නේ ආයෙත් දවසක් ගමට යන්න බස් එකෙන් යන අතරවාරේදීයි.
බස් එක ගමන අතර වාරයේ තේ පානයට නතර කරාලු. ඒත් එතුමා නම් බස් එකේම හිටියලු. ඒ වෙලාවේ එතුමා දකිනවා අලුත බැදපු ජෝඩුවක්. මේ දෙන්නත් අර අවන්හලට ගියේ නෑ... මොකද කෑමට අවශ්‍ය දේවල් ඒ දෙන්නා ගෙනත් තිබුනලු.
සෝමතිලක ජයමහ මහත්මයා මේ දෙන්නා දිහා ටිකක් වෙලා බලාගෙන හිටියලු. මෙයා එයාට කවනවා.... එයා මෙයාට කවනවා.... ඉතින් මේක දිහා බලන් ඉන්නකොට "බැඳි සෙනෙහස රන් රස මෙන් වේයා... සිඳු කුස වන් ගං කොමළිය සේයා...සිසි වත තුරුලෙහි සාමුව සේයා. පතිනිය පතිකුලයට පැමිණේයා. කියන පද ටිකත් හිතට ආවලු.
ඉතින් අර කැන්ටිමේ සිද්ධිය සහ මේ බස් එකේ වෙච්චි සිදුවීම් දෙක නිසා මේ රසවත් ගීතය ලියවෙලා තියෙනවා ..
වත්සුණු සුවඳින් සුවඳ කෙරේයා
පෙම් කුසුමන් හද පුබුදු කෙරේයා
ආසිරි මංගල ගී පැතිරේයා
පතිනිය පතිකුලයට පැමිණේයා
පතිනිය පතිකුලයට පැමිණේයා
බැඳි සෙනෙහස රන් රස මෙන් වේයා
සිඳු කුස වන් ගං කොමළිය සේයා...//
සිසි වත තුරුලෙහි සාමුව සේයා
පතිනිය පතිකුලයට පැමිණේයා
නළලත තිලකය මෙන් සසැඳේයා
සසර පුරා පැතුවයි පැවසේවා...//
කුළඟනකගෙ යහගුණ කියවේයා
පතිනිය පතිකුලයට පැමිණේයා
No comments:
Post a Comment