රෑ සිහිනේ...
ඔබ ළග මා සැනසෙනවා
මා සැබැවින්
ඔබ ලග සිත ලතවෙනවා
මේ බැදුනු සෙනේ
කෙදිනද මා පවසන්නේ
ආදරිය කියා
කෙලෙසද මා අමතන්නේ
අපේ ලොවේ
කෙදිනද අප හමුවන්නේ
රෑ සිහිනේ...
ඈ සනසමින්
ගී වැල් ගයමි මෙමා
ඒ මිහිරි ලොවේ
සෙනසුම මා ලැබ ගන්නම්
කුමරියනේ කිමද
මා ගැන නොසිතන්නේ
රෑ සිහිනේ...
මේ ගීතය නාමල් උඩුගම මහතාගේ ඉතා ප්‍රසිද්ධ ගීතයක්. ඒ කාලයේ ඔහු ගීත ගායනා නොකලත් ගායකයකු වීමට සිහින මවමින් සිට ඇත. ඔහු මහනුවර ප්‍රදශයේ සිට කොළඹ අවුත් නතර වෙලා ඉඳල තියෙන්නේ ඔහුගේ කඳානේ පිහිටි නැන්දලගේ නිවසේ. ඒ කාලයේ සිටි ඔහුගේ මිතුරෙකුගේ ප්‍රේම පලහිලව්වක් ගැන ගීතයේ සඳහන්.
ඒ කාලයේ මිතුරාගේ සිත ලොකු පවුලක ලස්සන ගැහැණු ළමයකු කෙරේ බැඳී තිබුණ. නමුත් ඒ ගැහැණු ළමය ඒක දැනගෙන හිටියේ නැහැ. ඔහු සැම විටම ඇයගේ සිත දින ගැනීමට උත්සහ කළා. කොහොම හරි මේ ගෑණු ළමයා වාහනයෙන් ඇවිත් ගෙදර ළඟ බහින වෙලාවට මගේ මිතුරා බලා ඉන්න පුරුදු වුණා. ඒ විතරක් නෙවේ ගෑණු ළමයා පෙනෙන්නට ඉන්න වෙලාවට එක එක විදිහට අවධානය දිනාගන්න දේවල් කරන්න පුරුදු වී තිබුණා. නමුත් ඇය ඔහුව ගණන් ගත්තේ නැහැ. කොච්චර ආදරය කලත් එය යථාර්තයක් බවට පත් කරගත නොහැකි වීම නිසා නාමල්ගේ මිතුරා ඉතා අසරණභාවයට පත්ව සිටියා.
මේ සිදුවීම මුල් කරගෙන නාමල් ඔහුගේ දෙවන ගීත රචනාව ලිව්වා. බොහෝ තරුණයෝ තරුණියන්ට වඩා මේ ප්‍රශ්නයට මුහුණ දෙනවා. මේ ගීතය ලියද්දී මමත් යොවුන් විය තුළ ජීවත් වූ නිසා ඒ හැඟීම බොහොම අපූරුවට වටහා ගන්න පුළුවන් වුණා.
No comments:
Post a Comment