හා හහහ හා...
හා හහහ හා...
හා හහහ හා...
හා හහහ හා...
සබඳ අපි කඳු නොවෙමු
උනුන් පරයා නැ‍ඟෙන
සුනිල දිය දහර වෙමු
එකම ගඟකට වැටෙන ...//
හා හහහ හා...
හා හහහ හා...
හා හහහ හා...
හා හහහ හා...
වියරු ගිනි දැල් නොවෙමු
වනය අවුලා තබන
සිහිල දෙන වැස්ස වෙමු
දැවෙන කැලයට වසින
සබඳ අපි කඳු නොවෙමු
උනුන් පරයා නැ‍ඟෙන
සුනිල දිය දහර වෙමු
එකම ගඟකට වැටෙන
හා හහහ හා...
හා හහහ හා...
හා හහහ හා...
හා හහහ හා...
නපුරු හීනය නොවෙමු
ළමුන් නිදි සුව බිඳින
සොඳුරු අඬහැරය වෙමු
දනන් නින්දෙන් මුදන
සබඳ අපි කඳු නොවෙමු
උනුන් පරයා නැ‍ඟෙන
සුනිල දිය දහර වෙමු
එකම ගඟකට වැටෙන ...//
හා හහහ හා...
හා හහහ හා...
හා හහහ හා...
හා හහහ හා...
ගායනය - විශාරද ගුණදාස කපුගේ
පද රචනය - දර්ශන මේදිස්
තනුව - විශාරද ගුණදාස කපුගේ
මෙම ගීතයේ පද රචනය විවාදාත්මකයි. දර්ශන මේදිස් විසින් 1992 දී රචිත "කඳුළු මිටියාවත" කෘතියේ අවසාන කවි පෙළේ එන පැදි කිහිපයක් මෙම ගීතයේ අඩංගු වෙනවා. "උතුරින් - දකුණට" ලෙස නම් කරන ලද මේ කවි පෙළෙන් ද්‍රවිඩ ජාතිකයෙක් විසින් සිංහලයන් හට කරන සහෝදරත්වයේ පණිවුඩයක් කියාපෑම සංකේතවත් කරමින් රචනා කළ බවට සඳහන් වනවා. පසු කාලීනව ගීතයට උපුටාගත් කොටස විවිධ අර්ථකතනයන් ඇතිව භාවිතා කර ඇති අතර එයින් නියම අර්ථය පිළිඹිබු නොවීම පිළිබඳව රචකයා තුල පසුතැවීමක් වු බවද සඳහන් වෙනවා.
කඳුළු මිටියාවත කෘතියේ එන සම්පූර්ණ කවි පෙළ පහලින්.
සබඳ අපි කඳු නොවෙමු
උනුන් පරයා නැගෙන
සුනිල දිය කඳුරු වෙමු
එකම කන්දෙන් වැටෙන
වියරු ගිනිදැල් නොවෙමු
වනය අවුලා තබන
මුරුගසන් වැස්ස වෙමු
දැවෙන කැලයට වහින
චන්ඩ පවනක් නොවෙමු
දෙරණ අතුගා දමන
මන්ද මාරුතය වෙමු
දෙකොන සිපගෙන හමන
නපුරු හීනය නොවෙමු
ළමුන් නිදි සුව බිඳින
සොඳුරු අඬහැරය වෙමු
දනන් නින්දෙන් මුදන
යකඩ පිත්තල නොවෙමු
රජුන් උඩ පැන තලන
බුරුත-කොස්-නැදුන් වෙමු
උනට එසවිය නොහෙන
පිදුරු-පොල් අතු නොවෙමු
පැරණි ගෙට සෙවිලි වන
සබඳ අපි ගඩොලු වෙමු
අලුත් ගෙපැලක් බඳින
No comments:
Post a Comment