කලකට පෙර ඒ බෙත්ලෙහෙමේ ...

නත්තල ළංවන විට රේඩියෝවෙන් වැඩිපුරම ඇසෙන්නට ගත්තේ එකල ධර්මරත්න සහෝදරයින් (මිල්රෝයි ධර්මරත්න ඇතුළු) ගායනා කළ බෙත්ලෙහෙමේ ගීතයයි. 

කලකට පෙර ඒ බෙත්ලෙහෙම් 

ශුද්ධ වූ නගරේ - ජේසු මෙලොවට බිහිවුණේ 

පුංචි ගව මඩුවේ

මෙම ගීතයට පදනම් වූ මුල් ගීතය Jester Hariston විසින් 1956 දී ලියූවකි. Mary’s Boy Child නමින් ලෝ සුපතල එම ගීතය භාෂා 20 කට පමණ පරිවර්තනය වී තිබේ. එහි මුල් පද මෙසේය.

Long time Ago in Bethlehem

So the Holy Bible Says

Mary’s boy child Jesus Christ

He born on Christmas day

1956 දී හැරී බෙලා ෆොන්ටේ නම් කැලිප්සෝ ගායකයා මෙය ගායනා කළේය. පසු කලෙක Bonny M ගායක කණ්ඩායම ද මෙය ගායනා කරද්දී එය අතිශය ජනප්‍රිය වූයේය.   

කලකට පෙර ඒ බෙත්ලෙහෙමේ

ශුද්ධ වූ නගරේ

ජේසූ මෙලොවට බිහි වුනේ

පුංචි ගව මඩුවේ //

උඳුවප් මාසේ සීතල දවසක

මැදියම් රෑ යාමේ

දෙව් මව් තුරුලේ උණුසුම ලබමින්

මේ ලෝකෙට ආවේ

සීත සුළං රැළි දසත හමද්දී

සැතපීලයි උන්නේ

දුප්පත් එ‍ඬේරු ‍මේ බව දැනගෙන

ගවලෙන වෙත යන්නේ

කලකට පෙර ඒ බෙත්ලෙහෙමේ

ශුද්ධ වූ නගරේ

ජේසූ මෙලොවට බිහි වුනේ

පුංචි ගව මඩුවේ

මරිය තුමීගේ පෙම්බර මුහුණේ

එළියක් දිස් වූයේ

‍ජුසේතුමා කිසි දාකත් නෑ

දෙවි අණකට ‍පිටුපෑවේ

වටපිට රොක් වී උම්බෑ ගාමින්

හරකුන් කෑ ගසතී

රජ තුන් කට්ටුව බිළිඳු ළඟ වැටී

පඬුරු ඔප්පු කරතී

කලකට පෙර ඒ බෙත්ලෙහෙමේ

ශුද්ධ වූ නගරේ

ජේසූ මෙලොවට බිහි වුනේ

පුංචි ගව මඩුවේ

මිනිස් සමාජය පාපෙන්

බේරා ගන්නට මෙහි ආවා

දිවැස්වරුන් බොහෝ කලකට පෙර

කී දේ ඉන් ඉටුවූවා

කලකට පෙර ඒ බෙත්ලෙහෙමේ

ශුද්ධ වූ නගරේ

ජේසූ මෙලොවට බිහි වුනේ

පුංචි ගව මඩුවේ

ගායනය - ධර්මරත්න සහෝදරයෝ

සංගීතය - ධර්මරත්න සහෝදරයෝ

ගී පද - මිල්රෝයි ධර්මරත්න